მინდა მოგაწოდოთ მცირე მანუალი პროგრამა Hamachi–თ სარგებლობის შესახებ:

ვისაც არაფერი სმენია ამის შესახებ ერთი–ორი სიტყვით მოვახსენებ: ეს არის პროგრამა, რომელიც გვეხმარება ისეთი თამაშები ვითამაშოთ ინტერნეტში, რასაც არ გააჩნია ან ფასიანი აქვს ონლაინ გეიმპლეი. ეს პროგრამა ქმნის ე.წ. VPN (Virtual Private Network), რომელშიც ჩვენს აიპიებს გააერთიანებს და მეგობარის კომპიუტერს, რომელიც სულ სხვაგანაა ჩართული ინტერნეტში დავინახავთ როგორც ლანში (ანუ ქსელში). ეს პროგრამა იმითაა კარგი, რომ ადამიანს არ ჭირდება VPN–ის გამართვაზე ზრუნვა, იგი ინსტალაციისას თვითონ მართავს ქსელს, განიჭებთ IP–ს და ეშვება კონსოლში, ასევე მოითხოვს მცირე რესურსებსაც. მაგალითისთვის, ისეთი თამაშები, რაც ლან–ში თავისუფლად ითამაშება, ახლა შეგვიძლია ვითამაშოთ ინტერნეტითაც.

სურათზე მოცემულია ამ პროგრამის სამუშო არე:
დაყენების შემდეგ, უნდა დაააჭიროთ 1–ით აღნიშნულ ღილაკს, რომელიც გამოგიტანთ ფანჯარას, რომელში უნდა ჩაწეროთ ის სახელი რომელსაც თქვენ ირჩევთ ჰამაჩის ქსელში, ცოტაოდენი ფიქრის შემდეგ ჰამაჩი თქვენ მოგანიჭებთ უნიკალურ მისამართს და ჩაგრთავთ ჰამაჩის ქსელში.

მოხმარების შემდეგი ეტაპი არის პრივატული და კერძო ქსელის შექმნა, რომელსაც მიუერთდებიან თქვენი მეგობრები. ღილაკ 2–ზე დაჭერით ჩნდება ქვემენიუ, რომელიც სურათზეა მოცემული, პირველი აღნიშნავს ქსელის შექმნას თქვენს მიერ, ხოლო მეორე უკვე არსებულ ქსელთან მიერთებას. თუ დააჭერთ პირველ არჩევანს, მაშინ თქვენს ეკრანზე გამოჩნდება ფანჯარა, რომელშიც უნდა შეიყვანოთ ახლად შესაქმნელი თქვენთვის სასურველი ქსელის სახელი და პაროლი, რომელსაც შემდგომ თქვენს მეგობრებს გაუზიარებთ. მაგალითად, თუ შეიყვანთ:

Network name: jinijaba
Network password: jini

თქვენს ჰამაჩიში გაჩნდება ახალი ქსელი (311ა–ს მსგავსი), რომელსაც ერქმევა jinijaba.

თუ თქვენ გნებავთ მეგობრის ქსელთან მიერთება, მაშინ გაიგეთ მისი ქსელის Network name: და Network password, რის შემდეგაც შეიყვანეთ იგი ქვემენიუს მეორე არჩევანზე დაჭერისას გამოსულ ფანჯარაში.

რაც შეეხება დანარჩენს, ქსელზე და მომხმარებელზე მაუსის მარჯვენა კლავიშის დაჭერით შეგიძლიათ გასინჯოთ პინგი, ჩართოთ–გამორთოთ ჰამაჩის ქსელი, ეჩეთაოთ მეგობრებს და ა.შ.

ამ პროგრამის ერთ–ერთი გადმოსაქაჩი ბმულია:
გადმოწერა

წარმატებეს გისურვებთ!!!